Nis edicioni i tretë i ‘Tirana Art Fest’
Shkurt 15, 2018
LIBURNLAW, njihuni me departamentin ligjor të LIBURNETIK Organisation
Mars 30, 2018

E Mërkurë 04 Prill 2018 – Prezantimi i Projektit Re-Debate 4.0 – Rigjallërimi i Kulturës së Debatit

Do të jetë ‘Qendra për Hapje dhe Dialog’ që do të mirëpresë eventin prezantues të Projektit Re-Debate 4.0 – Rigjallërimi i Kulturës së Debatit, të Mërkurën më datë 4 Prill.

Në qendër të këtij projekti që po zbatohet nga Organizata LIBURNETIK është mundësia për të mbështetur zhvillimin e shoqërisë civile dhe prezantimin e të rinjve me alternativa të të menduarit dhe të organizuarit, për ata që kultivojnë të menduarit kritik, etikën në komunikim, tolerancën dhe vlerat e qytetarisë aktive.

Realizimi i Re-Debate 4.0 mundësohet nga Fondacioni Shoqëria e Hapur për Shqipërinë dhe me mbështetjen institucionale të Ministrisë së Arsimit, Sportit dhe Rinisë dhe Shërbimit Kombëtar Rinor.

Zbatimi i projektit Re-Debate 4.0 ka nisur në muajin tetor 2017 me fazën e parë, atë të trajnimeve: gjatë të cilës nxënësve dhe mësuesve u janë dhënë informacione mbi metodologjinë dhe mbi formatin e debateve që do të zhvillohen në vijim. Debatet do të zhvillohen duke u bazuar në metodologjinë e njohur ndryshe si Formati IDEA, duke përshkuar disa faza:

  • Debatet në nivel shkolle (në 27 shkollat e përzgjedhura);
  • Debatet në nivel qyteti (në 14 qytete Faza e eliminatorëve);
  • Faza e eliminatoreve;
  • Faza finale.

Në panelin e event prezantimit të projektit, i cili do të moderohet nga Drejtori Ekzekutiv i Organizatës LIBURNETIK z. Ergys Gezka, do të jenë të pranishëm me përfaqësuesit kryesorë që mundësojnë këtë projekt. Një fjalë përshëndetëse institucionale do mbahet nga Zv/Ministri i Arsimit Sportit dhe Rinisë z. Shpati Kolgega dhe më pas do i jepet fjala Drejtorit Ekzekutiv të OSFA z. Andi Dobrushi, znj. Lorena Haxhiu Drejtor i Shërbimit Kombëtar për Rininë dhe z. Klodjan Seferaj, OSFA – Manaxher programi mbi Qeverisjen dhe Llogaridhënien. Në lidhje me dobinë e zhvillimit të një projekti të tillë, me kaq prioritet për zhvillimin e frumës së debatit konstruktiv, pjesë e panelit do të jenë edhe disa të rinj, pjesëmarrës dhe fitues të edicionit të fundit të zhvilluar në vitin 2013, të cilët do të shprehen në lidhje me eksperiencën e përjetuar dhe një feedback mbi cfarë mësuan e përvetësuan dhe sa u ka shërbyer gjatë këtyre viteve.

Programi i Debatit e ka filluar aktivitetin që prej vitit 1995, si një program i themeluar nga Fondacioni Shoqëria e Hapur për Shqipërinë në bashkëpunim me Ministrinë e Arsimit dhe përfaqësinë e Peace Corps në Shqipëri. Ky program synonte të ndihmonte të rinjtë debatues të zhvillonin aftësitë komunikuese, të menduarit kritik, të inkurajonte tolerancën dhe respektin mbi idetë e ndryshme si edhe të promovonte rritjen e interesit tek të rinjtë mbi ngjarjet aktuale. Vlera të cilat janë dhe mbeten nevoja të vazhdueshme edukuese në brezat e rinj përballë modeleve të munguara apo të gabuara në shoqërinë shqiptare.

Organizata LIBURNETIK, si organizatë me fokus zhvillimin dhe promovimin e Rinisë shqiptare merr përgjegjësinë dhe nderin për zbatimin e projektit Re – Debate 4.0 Rigjallërimi i Kulturës së Debatit dhe duke evidentuar rëndësinë e të debatuarit dhe të të menduarit kritik, i bën thirrje mediave dhe institucioneve t’i vënë theksin këtij elementi dhe ta konsiderojnë si një proces formimi i domosdoshëm për përgatitjen e një qytetarie aktive.

e Mërkurë 4 Prill 2018
Ora 10:45
COD – Qendra për Hapje dhe Dialog, Blv “Dëshmorët e Kombit”, 1, Kryeministria