Re-Debate, Kampionati Kombëtar i Debatit shtrihet për herë të parë në të 61 bashkitë e vendit

Teksa kemi nisur me edicionin e IV-ërt të Kampionatin Kombëtar të Debatit i cili ka ardhur nën titullin e Re-Debate 5.1, ditën e sotme ju prezantojmë me shkollat e mesme nga 61 Bashkitë e Shqipërisë.

Re-Debate 5.1 këtë vit do të ketë shtrirjen më të gjerë duke mbuluar të gjithë vendin dhe duke u bërë një ndër projektet më të mëdha për të rinjtë e shkollave të mesme.

Nën mbështetjen e realizimit të Kampionatit Kombëtar të Debatit këtë vit, Organizatës LIBURNETIK, përpos Fondacionit Shoqëria e Hapur për Shqipërinë dhe Ministrisë së Arsimit, Sportit dhe Rinisë i është bashkuar  UNFPA dhe UNICEF, duke bërë qindra të rinjë bashkë me qëllimin e zhvillimit të mendimit kritik dhe vlerave të qytetarisë aktive.

Më poshtë, tabela e plotë e Bashkive, Qyteteve dhe Shkollave të përfshira në Re-Debate 5.1:

Ashtu si ju kemi njoftuar dhe pak ditë më parë edhe këtë edicion formula e përcaktimit të 16 skuadrave finaliste mbetet e njëjtë. Skuadrat që përfaqësojnë shkollat e mesme do të garojnë në bazë të pikëve të grumbulluara gjatë fazës së debateve në nivel qyteti.

Projekti do të zhvillohet përgjatë 12 muajve, në periudhën Shtator 2020 – Gusht 2021. Aktivitetet e tij do të zhvillohen nën formën e një Kampionati (Tournament), në tre faza:
Faza I – Periudha e trajnimeve, drejtuar nxënësve, mësuesve dhe gjykatësve
Faza II – Kampionati në rang qytetesh
Faza III – Finalet e Kampionatit ku do të shihen përballjet e 16 skuadrave më të mira.

Re-Debate 5.1 këtë vit, për shkak të situatës të krijuar nga Pandemia e COVID-19 do të zhvillohet krejtësisht online duke siguruar sigurinë e nxënësve, mësuesëve dhe stafit që janë të angazhuar me zbatimin e projektit.