Ftese per Oferte: Mbështetje Ligjore në kuadër të projektit ‘Nomad Tech – Fuqizimi i Gjeneratës së Ardhshme të Inovatorëve’

 

FTESË PËR OFERTË

 

Autoriteti Kontraktues:                    Shoqata LIBURNETIK

Adresa:                                               Rr. ‘Kostandin Kristoforidhi”, H.1 Ap.4 Kodi Postar 1017,  Tirane,  Shqiperi
E-mail:                                               info@liburnetik.org

Data e Fillimit të Prokurimit:             22 Korrik 2025

Afati i dorëzimit të ofertës:                  22 Gusht 2025

 

INFORMACION MBI ORGANIZATËN

LIBURNETIK është një Organizatë Jo Fitimprurëse e krijuar nga vullneti i një grupi të rinjsh me qëllim ndërgjegjësimin, promovimin dhe zhvillimin e shoqërisë shqiptare, për përmirësimin e jetës sociale, nëpërmjet vlerësimit të nevojave të territorit dhe zbatimit të ideve, projekteve dhe aksioneve novative. Organizata LIBURNETIK lindi si një grup informal në vitin 2013 dhe u themelua zyrtarisht në Tiranë në Korrik 2014 si e Pavarur dhe degë e organizatës italiane ASAL Student, Leçe, Itali, e themeluar në 2007-n nga një grup studentësh shqiptarë dhe italianë.Aktivitetet e organizatës LIBURNETIK, ashtu sikurse ato të ASAL Student, e fokusojnë veprimtarinë e saj tek të Rinjtë protagonistë për krijimin e një mendësie të re, në shërbim të shoqërisë civile dhe tek Diversiteti, vlerë e shtuar e një shoqërie europiane bashkohore.

LIBURNETIK mbështetet tek parimet e përcaktuara nga Konventa e të Drejtave të Njeriut dhe nga traktati i Lisbonës dhe ka si parim bazë respektimin e plotë të botës njerëzore, kulturore dhe shpirtërore të individit.

 

INFORMACION MBI PROJEKTIN

Projekti “Nomad Tech – Fuqizimi i Gjeneratës së Ardhshme të Novatorëve” është pjesë e një iniciative të gjerë për të mbështetur ekosistemin e Start-up-eve në Shqipëri. Ai synon të krijojë një ambient më të favorshëm për inovacionin dhe sipërmarrjen, duke u fokusuar në zhvillimin e aftësive teknike dhe menaxheriale të të rinjve dhe përmirësimin e aksesit të tyre në financim dhe tregje ndërkombëtare.

Projekti do të zbatohet për një periudhë 24-mujore, me synimin për të ndikuar në transformimin ekonomik të Shqipërisë përmes rritjes së kapaciteteve sipërmarrëse dhe mbështetjes së Start-up-eve me potencial të lartë për rritje.

Objektivat kryesore të projektit janë:

• Fuqizimi i Start-up-eve të drejtuara nga të rinjtë përmes trajnimeve të specializuara, mentorimit dhe ndihmës teknike.
• Zhvillimi i një ekosistemi të qëndrueshëm për sipërmarrjen, duke adresuar sfidat ligjore dhe rregullatore që kufizojnë rritjen e Start-up-eve.
• Ndërtimi i rrjeteve ndërkombëtare për inovacionin, për të ndihmuar sipërmarrësit shqiptarë të hyjnë në tregje të reja dhe të krijojnë partneritete strategjike.
• Lehtësimi i aksesit në financim, duke lidhur Start-up-et me investitorë dhe organizata mbështetëse.

Projekti do të zbatohet përmes një kombinimi të trajnimeve intensive, eventeve rrjetëzimi, skemave të financimit dhe takimeve me investitorë ndërkombëtarë, duke siguruar që sipërmarrësit e rinj të kenë mjetet dhe njohuritë e nevojshme për të zhvilluar bizneset e tyre.

OBJEKTI I KONTRATËS

Shoqata LIBURNETIK, në kuadër të projektit “Nomad Tech – Fuqizimi i Gjeneratës së Ardhshme të Novatorëve”, synon të angazhojë një ekspert të kualifikuar për të ofruar mbështetje ligjore në aspektet që lidhen me:

• hartimin dhe shqyrtimin e kontratave të projektit;
• sigurimin e përputhshmërisë ligjore të procedurave të prokurimit dhe granteve;
• interpretimin e dispozitave ligjore për aktivitetet e projektit;
• përfaqësimin ligjor në takime dhe konsultime ku kërkohet ekspertizë juridike.

 

 

KOHËZGJATJA E KONTRATËS DHE AFATET

Kontrata për ofrimin e shërbimeve të përcaktuara në këtë dokument do të zgjasë nga muaji Gusht 2025 deri në Qershor 2026. Gjatë kësaj periudhe, subjekti i kontraktuar do të jetë përgjegjës për shërbimin e ofruar dhe dorëzimin e dokumentacionit sipas afateve të dakordësuara me autoritetin kontraktues.

Njoftimi për firmosjen e kontratës do të bëhet deri në 15 ditë pas mbylljes së procedures së prokurimit.

5.1 Ndryshimi i detajeve të specfikimeve teknike dhe dorëzimeve

Autoriteti kontraktues ruan të drejtën për të modifikuar detajet e kontratës, bazuar në nevojat e projektit dhe kontekstin e zbatimit. Nëse lind nevoja për ndryshime, autoriteti kontraktues do të:

• Njoftojë me kohë subjektin e kontraktuar për çdo ndryshim të mundshëm për shërbimet ose dorëzimet
• Diskutojë dhe konsultohet me subjektin e kontraktuar për të përshtatur dokumentacionin si dhe çdo gjë tjetër që lidhet me kontratat apo dokumenta të tjera ku është e nevojshme konsulenca juridike
• Sigurojë që çdo ndryshim të reflektohet në një mënyrë të menaxhueshme dhe të arsyeshme, duke mbajtur cilësinë dhe objektivat e përgjithshme të projektit.

 

PAGESAT DHE AFATET

Të gjitha pagesat do të kryhen sipas dakordësimit në kontratë dhe pas lëshimit të faturës tatimore.

Në rast se fituesi i procedurës është individ pagesa do të bëhet pas heqjes së vlerës së Tatimit mbi Fitimin (15%) sipas legjislacionit në fuqi.

 

DORËZIMI I OFERTAVE

Subjekti i interesuar për të marrë pjesë në këtë procedurë duhet të dorëzojë dokumentacionin e mëposhtëm, në përputhje me kërkesat e autoritetit kontraktues:

Për subjekt fizik/juridik

Nëse oferta paraqitet nga një subjekt fizik ose subjekt juridik, duhet të dorëzohen dokumentet e mëposhtme:

• Ekstrakt nga Qendra Kombëtare e Biznesit (QKB).
• Dokumentacion që vërteton statusin aktiv të subjektit.
• Dëshmi se kompania është aktive dhe nuk është në proces likuidimi ose falimentimi.
• Vërtetim nga Administrata Tatimore që subjekti nuk ka detyrime të papaguara.
• Lista e stafit të angazhuar për thirrjen dhe CV.
• Deklaratën mbi Konfliktin e Interesave – Sipas fromës bashkëlidhur Annex B të Termave të Referencës

Për individë (ekspertë të pavarur)

Nëse oferta paraqitet nga një individ si ekspert i pavarur, duhet të dorëzohen dokumentet e mëposhtme:

• CV e detajuar ku të evidentohet eksperienca në auditimin e fondeve të projekteve me financim të huaj ose publik.
• Përfshirë arsimimin, eksperiencën profesionale, projektet e mëparshme dhe certifikimet përkatëse.
• Diploma universitare.
• Deklaratën mbi Konfliktin e Interesave – Sipas formës bashkëlidhur Annex B të Termave të Referencës

 

Dokumente Financiare

• Oferta financiare – E plotësuar sipas formatit të përcaktuar nga autoriteti kontraktues bashkëlidhur Annex A të Termave të Referencës

Afati i fundit për dorëzimin e ofertave është 30 Dhjetor 2024.

• Dokumentet duhet të dorëzohen fizikisht në adresën: Shoqata LIBURNETIK
  Rr. “Kostandin Kristoforidhi”, H.1 Ap.4, Kodi Postar 1017, Tiranë, Shqipëri
• Zarfi duhet të përmbajë si mbishkrim:
  • Të dhënat e ofertuesit
  • Të dhënat e autoritetit kontraktues
  • Subjekt: Ofertë për Shërbime sipas shpalljes dt. 25 Nëntor 2024

• Të gjitha dokumentet duhet të dorëzohen brenda datës 22 Gusht 2025.
• Dokumentet duhet të dorëzohet me zarf të mbyllur i cili duhet të shkruajë sipër:
  • Të dhënat e dorëzuesit
  • Të Dhënat e autoritetit prokurues
  • Subjekt: Ofertë për Shërbime sipas shpalljes dt. 22 Korrik 2025
• Adresa e Dorëzimit do të jetë zyra operative e autoritetit prokurues si vijon:

Shoqata LIBURNETIK

Rr. ‘Kostandin Kristoforidhi”, H.1 Ap.4  Kodi Postar 1017, Tirane, Shqiperi

• Çdo aplikim i dorëzuar pas afatit të përcaktuar nuk do të merret në shqyrtim.

 

Annex A – Template i Propozimit Financiar Mbeshtetje Ligjore

ANNEX B – KLIKO KETU

TERMAT E REFERENCES