LIBURNETIK starton Re-Debate IX: Kampionatin Kombëtar të Debatit, një traditë që fuqizon të rinjtë shqiptarë
9 Shtator, 2025
LIBURNETIK mori pjesë në Konferencën Ndërkombëtare të Këshillit të Evropës mbi hapësirën qytetare dhe rinovimin demokratik
6 Shkurt, 2026
LIBURNETIK fton të gjithë aplikantët e interesuar dhe të kualifikuar të paraqesin Shprehjen e Interesit për t’u përfshirë në një Grup Ekspertësh, të cilët mund të angazhohen për të ofruar mbështetje teknike dhe profesionale, në përputhje me nevojat specifike të organizatës në faza të ndryshme të ciklit të projekteve.
Përmes kësaj thirrjeje, LIBURNETIK synon të identifikojë subjekte dhe profesionistë të kualifikuar, me ekspertizë përkatëse, të cilët mund të kontribuojnë në hartimin, zbatimin, monitorimin, vlerësimin, raportimin dhe sigurimin e përgjithshëm të cilësisë së programeve dhe projekteve të realizuara nga organizata.
Ekspertët e përzgjedhur mund të kontaktohen dhe të angazhohen sipas nevojës, në varësi të fokusit tematik, kërkesave teknike dhe nevojave operacionale të projekteve aktuale dhe të ardhshme.
Afati për paraqitjen e Shprehjeve të Interesit është 31 tetor 2026.
Për informacion të detajuar lidhur me këtë Thirrje për Shprehje Interesi, kriteret e kualifikimit, dokumentacionin e kërkuar dhe procedurat e aplikimit, aplikantët e interesuar ftohen të shkarkojnë dhe të shqyrtojnë me kujdes dokumentet e mëposhtme:
- Thirrje për Shprehje Interesi – Liburnetik (e detyrueshme)
- Aneksi 1: Deklaratë Nderi lidhur me Kriteret e Përjashtimit dhe Përzgjedhjes (e detyrueshme)
Çdo kërkesë për sqarim ose pyetje lidhur me këtë Thirrje për Shprehje Interesi duhet të dërgohet me shkrim në adresën: info@liburnetik.org.
Vlerësimi i Shprehjeve të Interesit do të kryhet në mënyrë të vazhdueshme, me vlerësime mujore. Aplikantët mund të presin të informohen mbi vendimin përfundimtar lidhur me aplikimin e tyre deri në fund të muajit pasues nga muaji në të cilin është marrë aplikimi.
